Samoa
This article was added by the user . TheWorldNews is not responsible for the content of the platform.

Tulafono taufaaofi a le Senate palota ese’ese kovana ma le lutena kovana

Pago Pago - AMERIKA SAMOA

O le afioga i le senatoa ia Soliai Tuipine Fuimaono ua ia fa’auluina se tulafono taufaaofi fa’atatau i le teuteuga o tulafono tau faiga-palota, ina ia palota ese’ese le tofi o le kovana ma le tofi o le kovana. O lea mataupu sa faauluina i le Maota Maualuga i le Aso Lulu. 

I lalo o tulafono o lo’o i ai nei, o le palotaina o le kovana ma le lutena kovana, e faia fa’atasi, o se fai-paaga. 

Fa’aalia e le tulafono taufaaofi e faapea e 26 setete o loʻo i ai le palota a le au - poo le paaga -  mo le kovana ma le lutena kovana ia latou palota lautele.

E sefulufitu setete e filifilia eseese lo latou kovana ma le lutena. E tolu setete e leai se tofi mo le lutena kovana.

“O le Failautusi o le Setete (o se tulaga filifilia ese) e muamua i le laina o le soloaiga i le tofi o le kovana [i le 13 setete o loo faia ni palota eseese mo le kovana ma lutena kovana] ma setete e fa o loʻo faʻatonuina lo latou peresitene o le Senate e muamua i le laina o le tofi o le kovana, ma o loʻo i ai malosiaga mo le palota eseese mo le tofi o le kovana ma le lutena kovana."

O lo’o fa’amanino i le tulafono fa’apea, afai e filifilia fa’apitoa, e iai le malosi tuto’atasi o le lutena kovana e pei o le palota a le setete atoa, e ta’ita’ia ai le teritori i mataupu taua, ma o nisi taimi e tu’u mai ai se isi manatu.

O lea tulaga e mana’omia ai e le lutena kovana fou ua filifilia, e atina’e lona tofi, o ona tiute ma ona tiute o le lutena kovana ma le Failautusi o Amerika Samoa, e tusa ai ma le tulafono a Amerika Samoa o lo o tusia i lalo ma le Fa’avae Toe Iloilo a Amerika Samoa.

“Ma o le lutena kovana fou ua filifilia o le a maua se avanoa taua efausia ai faiga faavae e ta’ita’ia ai Amerika Samoa, atoa ai ma lela’a atu ma le faia o se sao taua i galuega ma fuafuaga.

“O le filifilia eseese o le kovana ma le lutena kovana o le a mafaiai e tagata o lo’o nonofo i Amerika Samoa ona lagona atili le leo i le auala latou te manana’o ai e pulea ma po’o ai fo’i e pulea i latou.”

E tusa ai ma le teuteuga ua fuafuaina, o le Vaega 1. 4.0103: Taualumaga o Filifiliga - o le a faitauina e faapea o sui tauva mo tofi o le Kovana ma le Lutena kovana e tatau ona filifilia eseese e ala i le failaina o se talosaga i le faiga tutusa e pei o sui tauva mo le Maota o Sui sei vagana ai. e faapea o le talosaga mo le filifilia o sui tauva mo le tofi Kovana ma le Lutena kovana e tatau ona sainia e le itiiti ifo ma le 300 tagata palota agavaa e aunoa ma le amanaia o latou itumalo.

I lalo o le Sec. 2 Faiga Palota: e tatau ona faitauina e faapea o le Kovana ma le Lutena Kovana o le a filifilia eseese e le tele o palota e faia e tagata palota agavaa.

“O palota ta'itasi e fa'atatau i sui tauva e lua. Afai e leai ni sui faatutu e maua le tele o palota e faia i soo se faigapalota, o le aso lona sefulufa mulimuli ane o le a faia ai se faiga palota i le va o sui tauva mo le Kovana ma le Lutena Kovana e maua le numera maualuga ma lona lua maualuga o tagata palota.

“O le a saunia e le ofisa palota faiga faavae, taualumaga, talosaga mav pepa aloaia talafeagai e faamautinoa ai le faamaoni o le palota eseese mo le kovana ma le lutena kovana, e tusa ai ma tulafono o faiga palota.”