Albania

Ahmetaj: Mjekët marrin pagë 1 mijë euro, do ta rrisim edhe 40 % në mandatin e tretë

TIRANË, 12 prill /ATSH/ Ministri i Rindërtimit Arben Ahmetaj, kandidat i PS-së, në qarkun e Tiranës, në zgjedhjet e 25 prillit, gjatë takimit që zhvilloi me banorë të njësisë numër 4 në kryeqytet, tha se “mandati i tretë i PS-së, është për fëmijët tanë, për ta çuar Shqipërinë në pikën pa kthim drejt Bashkimit Europian”.

“Ne na duhet mandati i tretë për ta lënë të shkuarën mbrapa, për të mos i lejuar të njëjtët njerëz, të njëjtët emra e të njëjtat fytyra ta kthejnë vendin në katrahurë”, – tha Ahmetaj, ndërsa shtoi se, “mandati i tretë është për vizionin e Shqipërisë 2030”.

Ai theksoi se “çdo votë për numrin 12 të Partisë Socialiste dhe numrin 5 të deputetit, është e rëndësishme, pasi çdo votë e juaja është e vlefshmë dhe nder për ne”.

“Duhet të mos harroni se çfarë përfaqësojnë ata dhe çfarë ndryshimi ka sjellë programi i PS”, vuri në dukje Ahmetaj.

Ai theksoi se nëse me taksën e sheshtë një mësues, një infermier, një polic do të paguante 10 %, pra për një pagë 700 mijë lekë do paguante 70 mijë lekë në muaj, me taksim progresiv, paguan 60-24 mijë lekë që është një diferencë shumë e madhe.

“Qytetarët me pagat nën 1300 lekë, vetëm në 2014 kanë kursyer 90 milionë USD. Kur morëm ne detyrën ishin 400 mijë të punësuar, ndërsa sot janë 700 mijë të punësuar. E ardhmja e punësimit është sektori privat”, – tha Ahmetaj.

Sipas tij, me taksën e sheshtë janë 590 milionë USD që ikin nga buxheti i shtetit dhe shkojnë në duart e kompanive.

“Apo premtimi i opozitës që thotë se do ta bëjë pagën e mjekëve 1200 euro? Ndërkohë sot mjekët marrin pagë 1 mijë euro dhe ne do ta rrisim edhe 40 % në mandatin e tretë, që do të thotë se paga e tyre do të shkojë 1400 euro”, u shpreh Ahmetaj.

“Kemi që nga 2014 që i kemi dhënë librat falas nga klasa e parë deri në klasën e 9-të dhe nuk ka më fëmijë që nuk shkon dot në shkollë se nuk ka libra apo nënë që qan se nuk e çon dot fëmijën në shkollë se nuk ka para për të blerë librat e shkollës për fëmijën”, vijoi ai.

Ai tha se, mandati i tretë duhet që të shkohet pa kthim drejt progresit.

“Një parti si e jona sfidën e ka me të ardhmen. Fëmijët në klasë të parë nga 1 shtatori do të fillojnë të mësojnë anglisht dhe kompjuter. Ne kemi një politikë të re për nënat e reja që nuk kanë mundësi të çojnë fëmijën në çerdhe duke i mbështetur familjet me të ardhura nën 1 milion lekë në muaj me subvencion prej 100 mijë lekë në muaj, apo me vizita falas tek okulisti për fëmijët deri në 14 vjeç”, u shpreh Ahmetaj.

Ahmetaj theksoi se, “janë 20 shkolla që po ngrihen në Tiranë e 120 shkolla në zonat e dëmtuara nga tërmeti, ndërsa janë 12 mijë apartamente të reja që po ndërtohen falas për të gjithë të prekurit nga tërmeti”.

“Ne i kemi rritur pensionet me 5 % dhe atë që ne e quajmë pagesë të solidaritetit do ta bëjmë të përhershme me rritje çdo vit deri në 7 %”, u shpreh Ahmetaj. /j.p/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Griezmann spoke with Hamilton and visited the Mercedes boxes at the Spanish Grand Prix
Barcelona feels that Neymar used it. He said that he wanted to return, but extended his contract with PSG (RAC1)
Aubameyang to the Arsenal fans: We wanted to give you something good. I am sorry that we could not
Atletico did not lose at the Camp Nou. Busquets' injury is the turning point of the match (and the championship race?)
Verratti injured his knee ligaments in PSG training. Participation in the Euro is still in question
Neymar's contract in one picture. Mbappe wants the same one
Manchester United would like to sign Bellingham in the summer, not Sancho. Borussia do not intend to sell Jude