Albania

BRUKSEL – BE: Angazhim i qartë nga MERCOSUR për qëndrueshmërinë e marrëveshjes tregtare

BRUKSEL, 21 shtator /ATSH-AFP/ – Brukseli pret një angazhim të qartë nga vendet e MERCOSUR-it (Brazil, Argjentinë, Paraguaj, Uruguaj) për të siguruar që ata do të respektojnë komponentin e zhvillimit të qëndrueshëm të marrëveshjes tregtare, e përfunduar në qershor 2019, por që ende nuk është nënshkruar, tha sot zëvendëspresidenti i Komisionit Europian, Valdis Dombrovskis.

“Një numër shtetesh anëtare dhe palë të interesuara po ngrejnë pyetje në lidhje me zhvillimin e qëndrueshëm në vendet e MERCOSUR, pranimin në Marrëveshjen e Parisit dhe shpyllëzimin, veçanërisht në Brazil”, tha ai pas një takimi me ministrat e Tregtisë së BE-së.

“Ne duhet t’i marrim seriozisht këto çështje dhe KE kërkon një angazhim të qartë nga vendet e MERCOSUR-it”, shtoi ai.

E përfunduar me bujë të madhe në verën e vitit 2019, pas 20 vitesh diskutime, marrëveshja tregtare e BE-së me vendet e MERCOSUR-it tashmë ka ngecur në vend.

Parlamentet austriake dhe hollandeze, të cilat duhet ta ratifikojnë atë si të gjitha parlamentet evropiane, e kanë refuzuar në formën e saj aktuale dhe Belgjika, Irlanda, Luksemburgu dhe Franca janë ngurruese./ /ervo/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Cuadrado on Juve: We have started the season slowly, but we have never lost
Is van de Beek better than Pogba? Bruno Fernandes? Also no. Evra on his words about the Manchester United rookie
Jose Mourinho: In my Real life, there were amazing attacking players, we built a team. Tottenham need balance
Umtiti became a vegan: Never felt so good. Lost three kilograms
Alisson on recovery from injury: I prayed a lot, spent 5-6 hours a day with physiotherapists
The VAR referee told the Barcelona - real match referee that Langle did not foul on Ramos. Catalans want to get audio
Frankie de Jong: we have to adapt to Messi. He is the best player in the world