Albania

Divjaka “pushtohet” nga flamingot/ Braçe: I vetmi grumbullim që lejohet këto ditë e në vijim në Shqipëri

TIRANË, 30 nëntor/ATSH/ Zëvendëskryeministri Erion Braçe publikoi sot pamje nga parku i Divjakës, i tëri i “pushtuar” nga flamingot.

Zv/kryeministri Braçe, krahas fotove të publikuara përcolli edhe mesazhin për zbatimin e masave që parandalojnë përhapjen e COVID-19, teksa u shpreh se grumbullimi i flamingove, është i vetmi grumbullim që lejohet këto ditë e në vijim në Shqipëri.

“Parku, sot në mesditë. Kthimi në shtëpi është kështu. Mos harroni!. Është i vetmi grumbullim që lejohet këto ditë e në vijim në Shqipëri”, deklaroi Braçe.

Laguna e parkut Divjakë-Karavasta është kthyer në një “magnet” për flamingot, zogjtë me qafën e hollë dhe të harkuar dhe me këmbët e hijshme, të cilët e frekuentojnë atë prej 10 vitesh.

Moratoriumi i gjuetisë ka dhënë efektet e shtimit të numrit të shpendëve ujorë dhe migratorë në vendin tonë.

Flamingot jetojnë gjithmonë në grupe, që nga grupet e vogla, deri në qindra-mijëra. Zogjtë ngrihen në ajër në grup dhe fluturojnë me qindra kilometra gjatë periudhës së shtegtimit.

Fluturimi bëhet duke formuar radhë të gjata ose në formë V-je, derisa të arrijnë në vendmbërritjen e tyre, një liqen me ujë të kripur, që është vend i shkëlqyer për të ngritur folenë e për të rritur të vegjlit.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Football news:

Setien is demanding 4 million euros in compensation from Barca. Valverde's resignation cost the club 11 million
Two Cornell players tested positive for coronavirus after the match with Barca
Mbappe finished 1st on the Ligue 1 goalscoring list, scoring 13 goals in 17 appearances. He broke the streak of 4 games without goals
Holland has scored 27 goals in his first 28 Bundesliga appearances. He's the second person to do this
Sevilla are trying to sign Papa Gomez, Monchi is in talks. Atalanta wants to sell him to a club not from Italy
Holand has scored 14 goals in 13 Bundesliga games this season
Neymar is playing his 100th game for PSG. He has been at the club since 2017