Albania

Meta dekreton 4 ligje: Presidenti mirëpret nismat që na afrojnë me Europën

Presidenti Ilir Meta ka firmosur sot 4 dekrete, duke shpallur 4 ligje. Në një njoftim të bërë nga Presidenca, mësohet se Meta ka dekretuar ndryshimet në Kodin Ajror, ligjin “Për faturën dhe sistemin e monitorimit të qarkullimit”, “Për shkëmbimin automatik të informacionit të llogarive financiare” dhe ligjin  “Për procedurat tatimore në Republikën e Shqipërisë”, të ndryshuar”.

Sipas Metës dekretet janë firmosur pas studimit të plotë të ligjeve dhe shkruan se çdo nismë ligjore që synon realisht përafrimin e legjislacionit shqiptar në përgjithësi dhe atij në fushë e transportit ajror në veçanti, në përputhje me Acquis të Bashkimit Europian, mirëpritet nga Presidenti i Republikës.

Njoftimi i plotë:

Sot, Presidenti i Republikës, Sh.T.Z. Ilir Meta, ka dekretuar me shpallje 4 ligje të miratuara nga Kuvendi i Shqipërisë:

1) Ligjin nr. 96/2020 “Kodi Ajror i Republikës së Shqipërisë”. Çdo nismë ligjore që synon realisht përafrimin e legjislacionit shqiptar në përgjithësi dhe atij në fushë e transportit ajror në veçanti, në përputhje me Acquis të Bashkimit Europian, mirëpritet nga Presidenti i Republikës. Për më tepër kur ndryshimet në legjislacionin e brendshëm synojnë të përmbushin një pjesë të detyrimeve të Marrëveshjes për Krijimin e Zonës së Përbashkët Evropiane të Aviacionit Civil.

Shqipëria si shtet anëtar i ICAO-s (Organizata Ndërkombëtare e Aviacionit Civil) dhe si aspirant për t’u asociuar në EASA (Agjencia e Bashkimit Evropian për Sigurinë në Operim të Aviacionit), ka detyrimin e përmirësimit të legjislacionit për përdorimin e hapësirës ajrore shqiptare në mbrojtje të sigurisë në fluturim dhe të të drejtave e interesave të pasagjerëve.

2) Ligjin nr. 108/2020 “Për një ndryshim në ligjin nr. 87/2019 “Për faturën dhe sistemin e monitorimit të qarkullimit””.

3) Ligjin nr. 109/2020 “Për disa shtesa dhe ndryshime në ligjin nr. 4/2020, “Për shkëmbimin automatik të informacionit të llogarive financiare””.

4) Ligjin nr. 110/2020 “Për disa shtesa dhe ndryshime në ligjin nr. 9920, datë 19.5.2008, “Për procedurat tatimore në Republikën e Shqipërisë”, të ndryshuar”. Përmes këtyre 3 ligjeve shtyhen afatet e fillimit të efekteve ligjore për vënien në funksionim të plotë të sistemit të ri të monitorimit të qarkullimit dhe afatet për raportim nga subjektet që kanë detyrim deklarim sipas kuadrit të ri ligjor.

Këto tre ndërhyrje në ligjet ekzistuese, janë dekretuar me shpallje, për të respektuar nevojën e institucioneve dhe njëkohësisht edhe të subjekteve për më shumë kohë, për t`iu përshtatur infrastrukturës që kërkon regjimi i ri ligjor. Presidenti i Republikës, evidenton se, Ministria e Financave, Këshilli i Ministrave dhe Kuvendi,  në ndërmarrjen e nismave dhe miratimin e ligjeve bazë, duhet të kishin vlerësuar më mirë të gjitha të dhënat faktike për përcaktimin e afateve kohore realiste, duke shmangur kështu nevojën e amendimeve të vazhdueshme të ligjeve të miratuara rishtaz.

j.l./ dita

Football news:

Mourinho called the defeat to Bayern Munich in 2012 the worst in his career: Real Madrid was the best team in Europe
Actor Ryan Reynolds can buy the Wrexham club from the 5th English division
Suarez wept as he left the Barca base. He said goodbye to the team's players
Barcelona will try to hire defender Athletic Nunes if Garcia's transfer fails
Havertz scored the first goal for Chelsea
Di Maria suspended for 4 matches for spitting in the direction of Alvaro Gonzalez
Each Real Madrid player refused a bonus of 1 million euros. This is a serious help - it will be easier for the club to survive the crisis