logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Malta

Allegazzjonijiet serji dwar skandlu ieħor għandhom jiġu mwieġba – PN

Il-Partit Nazzjonalista qed jieħu bl-akbar serjetà dak li ġie żvelat minn The Shift News dwar il-kumpanija Streamcast Technologies li kellha tinvesti l-miljuni f’data centre fil-mini tal-Enemalta fil-Marsa iżda minflok jidher li l-Gvern Laburista għamel deal li gie deskrit bħala scam imħallas minn flus il-poplu.

F’dan ir-rapport, qed ikun allegat li kien hemm pjan qarrieqi sabiex jinsterqu €5 miljun mit-taxxi tal-poplu.

Il-Partit Nazzjonalista fi stqarrija qal illi qed jistenna r-risposti u l-ispjegazzjonijiet ta’ Robert Abela bħala l-Prim Ministru u tal-eks Prim Ministru Joseph Muscat dwar dan il-każ. Il-poplu jistenna wkoll spjegazzjoni dettaljata mill-Ministru għall-Enerġija Joe Mizzi u taċ-Chairman Eżekuttiv tal-Enemalta Frederick Azzopardi, u li tintrefa’ r-responsabbiltà ta’ kull min ħa dawn id-deċiżjonijiet.

Dan jidher li huwa skandlu ieħor tal-mistħija li l-Oppożizzjoni se tkun qed tistenna li jiġi awditjat u investigat u allura l-Gvern u l-Enemalta għandhom ħafna xi jwieġbu. 

Il-Partit Nazzjonalista, fl-istqarrija maħruġa mill-Viċi Kap David Agius, qal illi se jibqa’ jisħaq li li kull kuntratt jew ftehim li sar fil-qasam tal-enerġija għandu jiġi investigat għax il-Gvern Laburista issa għandu track record ikkulurit fil-korruzzjoni u s-serq sfaċċat mill-bwiet tan-nies. 

Robert Abela għandu jispjega kif intgħażlet din il-kumpanija li m’għandha l-ebda esperjenza f’dan il-qasam u min għażilha. Jekk irid jittieħed bis-serjetà, Robert Abela għandu jitlob spjega mill-Ministru Mizzi u jgħid lill-poplu d-dettalji kollha dwar ż-żjara tiegħu fl-Indja f’Mejju tal-2018 biex iżur id-data centres fantażma ta’ din il-kumpanija li lanqas biss kien għadhom inbnew. 

Il-Partit Nazzjonalista qed jistenna wkoll li l-Ministru Joe Mizzi jispjega xi rwol kellhom Brian Tonna u Karl Cini tan-Nexia BT f’dan kollu, u x’ġara minn dan it-taparsi investiment ta’ €5 miljun li sar mit-taxxi tagħna, u li l-poplu Malti qatt ma ħa xejn lura minnu.

“Min ħa dawn il-flus?… Il-poplu jixraqlu aħjar. Il-poplu jrid jingħata r-risposti”, sostna l-PN fl-istqarrija.

Ikkummenta

Themes
ICO