logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Malta

L-Italja tikkwalifika għall-Kampjonat Ewropew b’żewġ gowls fit-tieni taqsima

L-Italja aċċertat minn post fil-Kampjonat Ewropew tas-sena d-dieħla b’rebħa ta’ 2-0 kontra l-Greċja fi Stadio Olimpico biex b’hekk baqgħet b’punti massimi wara s-seba’ logħbiet. It-tim ta’ Roberto Mancini fetaħ l-iskor fit-63 minuta meta ngħata penalty wara li xutt ta’ Lorenzo Insigne ġie blokkat minn id Andreas Bouchalakis. JORGINHO inkariga ruħu b’ġirja tipika tiegħu u bagħat lill-gowlkiper in-naħa l-oħra. FEDERICO BERNARDESCHI għalaq il-logħba fit-78 minuta b’xutt fil-baxx minn barra l-kaxxa.

Gowl lejn it-tmiem ċaħħad lil Spanja milli tikseb is-seba’ rebħa wara draw ta’ 1-1 kontra n-Norveġja. SAUL NIGUEZ kien poġġa lil Spanja fil-vantaġġ fl-ewwel minuta tat-tieni taqsima b’xutt minn pożizzjoni ċentrali minn barra l-kaxxa. In-Norveġja evitat it-telfa fl-94 minuta b’daħla tard tal-gowlkiper Kepa Arrizabalaga, b’JOSHUA KING jiskorja mill-penalty.

Ir-Rumanija kellha bżonn tliet gowls fl-aħħar kwarta biex rebħet kontra l-Gżejjer Faroe. GEORGE PUSCAS fetaħ l-iskor fl-74 minuta b’xutt fil-baxx u ALEXANDRU MITRITA rdoppja b’xutt mill-kaxxa fit-83 minuta. CLAUDIU KESERU ssiġilla r-rebħa fl-94 minuta b’azzjoni personali fil-kaxxa.

Id-Danimarka laħqet lill-Irlanda fil-quċċata ta’ Grupp Ċ b’rebħa ta’ 1-0 kontra l-Iżvizzera. YUSSUF POULSEN skorja l-gowl rebbieħ fil-85 minuta meta ħa vantaġġ minn spazju fid-difiża avversarja u xeħet wara Yann Sommer.

Minn Grupp J, rebħa kbira tal-Bożnija li għelbet lill-Finlandja 4-1. IZET HAJROVIC fetaħ l-iskor fid-29 minuta u MIRALEM PJANIC irdoppja fis-37 minuta minn penalty. L-istess MIRALEM PJANIC għamilhom tlieta fit-58 minuta, b’ARMIN HODZIC jiskorja r-raba’ gowl. JOEL POHJANPALO jiskorja l-gowl ta’ konsolazzjoni fid-79 minuta.

Mill-istess grupp, il-Liechtenstein u l-Armenja temmew fi draw ta’ 1-1. TIGRAN BARSEGHYAN poġġa lill-Armenja minn fuq fid-19-il minuta iżda YANIK FRICK ġab id-draw fit-72 minuta.

Riżultati kollha

Grupp D: Georgia v Irlanda 0-0, Danimarka v Żvizzera 1-0

Grupp F: Gżejjer Faroe v Rumanija 0-3, Malta v Żvezja, Norveġja v Spanja 1-1

Grupp J: Bożnija v Finlandja 4-1, Italja v Greċja 2-0, Liechtenstein v Armenja 1-1

Ikkummenta

Themes
ICO