logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo logo
star Bookmark: Tag Tag Tag Tag Tag
Malta

Marquez ikabbar il-vantaġġ fil-quċċata b’rebħa f’Katalunja

Marc Marquez kabbar il-vantaġġ fil-klassifika ġenerali għal 37 punt wara li kiseb ir-raba’ rebħa tal-istaġun fiċ-ċirkwit ta’ Katalunja. Marquez ħa vantaġġ mill-inċident kontroversjali tat-tieni dawra li fiha kienu nvoluti sieħbu Jorge Lorenzo, ir-rivali għall-kampjonat Andrea Dovizioso u d-duo ta’ Yamaha Maverick Vinales u Valentino Rossi.

Dovizioso kellu ħruġ tajjeb u kien fuq quddiem sal-ewwel kantuniera, bit-Taljan Fabio Quartararo jitlef postu mill-pole position. Lorenzo kellu l-aħjar bidu hekk kif sal-ħames kantuniera tela’ r-raba’ mill-għaxar post. Wara l-inċident li qata’ mit-taqtigħa erba’ sewwieqa, Marquez kabbar il-vantaġġ fuq Danilo Petrucci u kkontrolla sat-tmiem.

Fabio Quartararo kiseb it-tieni post qabel it-Taljan l-ieħor Danilo Petrucci. Alex Rins irkupra biex qabeż lil Jack Miller u spiċċa fir-raba’ post. Għal Quartararo dan kien l-ewwel podju fil-karriera filwaqt li Petrucci kiseb it-tielet podju konsekuttiv tal-istaġun.

Fil-klassifika ġenerali, Marquez għandu 140 punt, segwit minn Andrea Dovizioso b’103 punti, Alex Rins b’101 punt u Danilo Petrucci bi 98 punt. It-tellieqa li jmiss issir fit-30 ta’ Ġunju fiċ-ċirkwit ta’ Assen fl-Olanda.

Ikkummenta

All rights and copyright belongs to author:
Themes
ICO