Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
«Թե մեր, թե բարձր տեխնոլոգիական արդյունաբերության նախարարության կողմից, դիտարկվում եւ մշակվում են ծրագրեր, որոնք ուղղված են ռազմարդյունաբերական ընկերությունների կողմից, ֆինանսական միջոցների հասանելիության հեշտացմանը»,- այսօր ԱԺ տնտեսական հարցերի հանձնաժողովի նիստի ժամանակ հայտարարեց ՀՀ էկոնոմիկայի նախարար Վահան Քերոբյանը:
Նախարարը ներկայացնում էր «Արդյունաբերական քաղաքականության մասին» նախագծում լրացումներ եւ փոփոխություններ կատարելու մասին հարցը, որով դյուրացումներ են նախատեսվում մի շարք գործառույթների համար:
Իշխանական խմբակցության պատգամավոր Սերգեյ Բագրատյանը նախարարից հետաքրքրվեց՝ արդյո՞ք բավարար ջանքեր գործադրում ենք եւ աշխարհաքաղաքական այս լարված իրավիճակում, արդյո՞ք, ավելի արագ որոշումներ ընդունելուն պատրաստ ենք, որպեսզի ավելի ազատ եւ արագ գործենք:
Վահան Քերոբյանը նկատեց՝ այսօրվա տեմպերը բավարար չեն պատգամավորի նշած մարտահրավերներին դիմագրավելու. «Շուտով կստանանք ներդրումների եւ ՀՆԱ-ի հարաբերակցությունը. մենք գիտենք ուղղակի, որ օտարերկրյա ներդրումների մասով ունենալու ենք շատ մեծ թիվ, ռեկորդային, բայց ուղղակի ներդրումներ- ՀՆԱ հարաբերակցությունը դեռեւս հեռու է կառավարության ծրագրով եւ կառավարության միջոցառումների ծրագրով սահմանված թիրախից: Մենք նաեւ կառավարությունում ենք քննարկել եւ նշել, որ ներդրումների ներգրավման գործընթացը պետք է էապես արագանա եւ պարզանա: Ընդհանուր ներդրումներ-ՀՆԱ հարաբերակցությունը 25 տոկոս է, մեր գնահատմամբ, տարին ավարտելու ենք 17-18 տոկոսի միջակայքում, որը հեռու է կառավարության ծրագրով սահմանված թիրախից»:
Նելլի ԳՐԻԳՈՐՅԱՆ
