Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Ադրբեջանի խորհրդարանի պատգամավոր Ագիլ Աբասը (լուսանկարում) հայտարարել է, որ ԱՄՆ-ը, Ֆրանսիան և Ռուսաստանը «ֆինանսավորում են ահաբեկչությունը», քանի որ «հենց այդ երկրներն են զենք մատակարարում Հայաստանին»: Նման հայտարարություն պատգամավորն արել է Միլի Մեջլիսում՝ հանձնաժողովների համատեղ նիստի ժամանակ:
Ըստ այդմ, պատգամավորը կոչ է արել միամիտ չգտնվել: «Այսօր բոլոր իրադարձությունները տեղի են ունենում խաղաղապահների աչքի առաջ: Ես նրանց անվանում են անբաններ: Եկեք չվախենանք խոսել նրանց մասին: Իրանը վախկոտ երկիր է: Մենք դա գիտենք: Բայց եկեք մյուսների մասին էլ խոսենք»,- ասել է նա:
Մեկ այլ պատգամավոր Զիյաֆեթ Ասկերովն ասել է, որ իրենց նպատակն է փակել այն խողովակները, որոնց միջոցով ֆինանսավորվում է «ահաբեկչությունն Իրանից, Հայաստանից և այլ երկրներից»:
Պատրաստեց Վիկտորյա ԱՆԴՐԵԱՍՅԱՆԸ
