Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Ադրբեջանի նախագահ Իլհամ Ալիևը հայտարարել է, որ Բաքուն կընդդիմանա ԵԱՀԿ Մինսկի խմբի վերականգնման փորձերին, քանի որ Արցախում ապրող հայերն Ադրբեջանի քաղաքացիներ են, և իրենք չեն պատրաստվում իրենց քաղաքացիների կյանքը քննարկել միջազգային կենտրոնների հետ:
«ԵԱՀԿ Մինսկի խմբի համանախագահները բազմիցս այցելել են օկուպացված տարածքներ, որտեղ նրանք տեսել են հայերի բարբարոսությունները, տեսել են մեր տարածքներում հայերի անօրինական բնակեցումները, բայց ոչ մի անգամ չեն դատապարտել Հայաստանին: Եվ հիմա մենք տեսնում ենք ԵԱՀԿ Մինսկի խումբը վերակենդանացնելու փորձեր: Մենք, իհարկե, չենք կարող աջակցել դրան: Քանի որ նրանք ոչ մի բան չեն արել իրենց մանդատի շրջանակում: Միակ բանը, որ արել է ՄԽ-ն, որոշակի առումով լեգիտիմացրել է օկուպացիան, ստեղծել հավասարակշռություն ագրեսորի և զոհի միջև»,- ասել է Ալիևը՝ ելույթ ունենալով Աղդամում Ազգային քաղաքաշինական ֆորումում:
Նրա խոսքով Հայաստանը ժամանակին փորձել է Ղարաբաղյան կարգավորման բանակցություններն անվերջ ձգձգել: «Ուստի բանակցությունները 28 տարի եղել են անարդյունք»,- ասել է նա:
Իլհամ Ալիեւը նաև ասել է, որ միջազգային հանրությունը, այդ թվում ԵԱՀԿ Մինսկի խմբի նախագահները աչք են փակել «Ադրբեջանի բնակչության հումանիտար աղետի» նկատմամբ:
Նա նշել է, որ Ադրբեջանը կոչ է արել միջազգային հանրությանը պատժամիջոցներ սահմանել Հայաստանի նկատմամբ՝ Ադրբեջանի տարածքներն օկուպացնելու և միջազգային բանաձևերը չկատարելու համար, բայց այդ կոչերն անպատասխան են մնացել:
Ալիեւի խոսքով՝ Ղարաբաղում ապրող հայ բնակչությունը Ադրբեջանի քաղաքացիներ են, և «մենք մենք որևէ միջազգային կենտրոնի հետ չենք քննարկի՝ ինչպես դասավորել նրանց կյանքը»:
Պատրաստեց Վիկտորյա ԱՆԴՐԵԱՍՅԱՆԸ
