ԱՄՆ պետքարտուղար Էնթոնի Բլինկենը բանակցություններ է վարել Չինաստանի արտգործնախարար Վան Իի հետ և զգուշացրել նրան «հետևանքների» մասին, եթե Չինաստանն օգնի Ռուսաստանին Ուկրաինայի դեմ պատերազմում։
Միաժամանակ պետքարտուղարը նշել է, որ ԱՄՆ-ը բաց է մնում Չինաստանի հետ համագործակցության համար, որտեղ հատվում են երկրների շահերը։
Բացի Ռուսաստանի Դաշնությունից և Ուկրաինայից, դիվանագետները քննարկել են ԱՄՆ-ի և Չինաստանի երկկողմ հարաբերությունների, ինչպես նաև Թայվանի հարցը։ Բլինկենն ասել է, որ Վաշինգտոնի և Պեկինի միջև կապի բաց ուղիները պահպանելու և հարաբերությունները «պատասխանատու կերպով կառավարելու» անհրաժեշտություն կա։
Նա նաև հայտարարել է Թայվանի նեղուցում կայունության և խաղաղության անհրաժեշտության մասին՝ համաշխարհային և տարածաշրջանային անվտանգության պահպանման համար։
