Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
«Արցախի ապագայի բանալին, իմ խորին համոզմամբ, Արցախի ժողովրդի ձեռքին է: Դա այդպես է եղել, եւ հիմա, եւ 1992 թվականին, երբ մեր վիճակն ավելի լավ չէր»,- այսօր կայացած մամուլի ասուլիսում ասաց ՀՀ երկրորդ նախագահ Ռոբերտ Քոչարյանը՝ պատասխանելով լրագրողներից մեկի հարցին: Հարցը հետեւյալն էր՝ իր վերջին հարցազրույցում առաջին նախագահ Լեւոն Տեր-Պետրոսյանն ասել էր, որ Արցախի հարցն այլեւս չկա, այն արդեն լուծված է, Հայաստանն այստեղ ասելիք եւ անելիք չունի եւ եթե մինչեւ ռուս-ուկրաինական պատերազմը Արցախի հարցի լուծման բանալին ՌԴ-ի ձեռքում էր, ապա այժմ հայտնի չէ, թե որտե՞ղ է այդ բանալին:
«Իրենք՝ էլիտան գնալո՞ւ է համագործակցության՝ քայլ առ քայլ ինտեգրվելով Ադրբեջանի հետ, թե՞ իրենք այնուամենայնիվ պատրաստ են պայքարել»,-ասաց երկրորդ նախագահը՝ հավելելով, որ այդ բանալիի մի մասն էլ Հայաստանի ժողովրդի ձեռքին է. «Հայաստանի ժողովուրդը կպարտադրի՞ իշխանություններին որոշակիություն մտցնել Արցախի վերաբերյալ իրենց մոտեցումներում, թե՞ ոչ: Չի՞ մտահոգում, որ հանրապետությունը և ինքնորոշում բառերը չկան, չի օգտագործվում ընդհանրապես: Սա ի՞նչ է նշանակում: Եթե ժողովուրդը պատրաստ է պայքարել, ուրեմն հնարավորություն կա այս ամենը կանգնեցնելու»:
Մանրամասները՝ քիչ ուշ՝ տեսանյութում
Լեւոն Տեր-Պետրոսյանի մեկ այլ հայտարարության մասին հարցին՝ ՀՀ երեք նախագահներն, ըստ էության, չգիտեն, թե Նիկոլ Փաշինյանն ի՞նչ է խոստացել մյուս երկրների ղեկավարներին, բայցեւայնպես նա վստահ է, որ Հայաստանի կապիտուլյացիան անխուսափելի է, Ռոբերտ Քոչարյանը պատասխանեց. «Դա Լևոն Տեր-Պետրոսյանի մոտեցումն է: Նման մոտեցում նա ունեցել է դեռ 1992 թվականին։ Երբեք չեմ համարել, որ լինում են անհույս վիճակներ: Միայն պայքարողի համար է դուռ բացվում։ Կտրականապես համաձայն չեմ այդ գնահատականների հետ։ Այո վիճակը ծանր է, կան բազմաթիվ պրոբլեմներ, բայց դա չի նշանակում, որ այս վիճակում պետք է հանձնվենք ու ընդունենք այն պարտադրանքները, որ այսօր վարում են Հայաստանի նկատմամբ»:
Այլ մանրամասները՝ քիչ ուշ՝ տեսանյութում
Նելլի ԳՐԻԳՈՐՅԱՆ
