ՀՀԿ փոխնախագահ Արմեն Աշոտյանը ֆեյսբուքյան գրառմամբ անդրադարձել է Հայաստանում ԵՄ պատվիրակության ղեկավար, ԵՄ դեսպան Անդրեա Վիկտորինի հայտարարությանը, որ՝ «ժամանակն է, որ Հայաստանը վավերացնի Ստամբուլյան կոնվենցիան»։
Ա.Աշոտյանը գրել է.
«Հե՜յ, միամիտ հայե՜ր։
Դուք կարծում էիք, որ ժամանակն է բանակն արդիականացնելո՞ւ։
Բանակցողին փոխելո՞ւ։
Զենք գտնելո՞ւ։
Առաջնագիծն ամրացնելո՞ւ։
ԵՄ-ի կողմից ադրբեջանական սադրանքները արձանագրելո՞ւ և արձագանքելո՞ւ։
Ալիևի նկատմամբ եվրոպական սանկցիաներ կիրառելո՞ւ։
Հայ ռազմագերիներին ազատելո՞ւ։
Ադրբեջանական զորքը մեր տարածքից դուրս շպրտելո՞ւ։
Չէ, գժուկներ։
Ըստ տիկին Վիկտորինի, հիմա իսկը ժամանակն է Ստամբուլյան կոնվենցիան վավերացնելու։
Հ.Գ. Երբ ասում եմ, որ մեր իսկ անճարության պատճառով աշխարհը հեգնում է մեզ վրա, նեղանում եք…»։
