«Դուք մեր «Բնակչության հատուկ սպասարկման» ՀՈԱԿ գնացե՞լ եք, հանձնարարական ունեիք չէ, որ պետք է գնայիք այդտեղ»,-Երևանի քաղաքապետարանի վերահսկողության վարչության պետի պաշտոնակատար Վահան Արսենյանին դիմեց քաղաքապետ Հրաչյա Սարգսյանը:
Արսենյանը պատասխանեց, որ միայն գերեզմանատուն է այց կատարվել, բայց ՀՈԱԿ-ի շենք չեն գնացել:
Վարչության պետի պաշտոնակատարը հայտնեց, թե անհրաժեշտություն կա, որ նաև ՀՈԱԿ-ում ուսումնասիրություն անեն:
«Դե խնդրում եմ՝ ինչ պետք է, այսօր ուշադիր վերահսկողությունն արեք: Ձեր աշխատակիցներն էլ, չգիտեմ, խոսում են՝ քաղաքապետը թեմաների մեջ է, մեզ էլ ուղարկել է այնտեղ, իրեն թվում է, թե մենք չգիտենք որոն է…»,-ասաց Սարգսյանը և վարչության պետին հանձնարարեց. «Ուրեմն, շատ ուշադիր ուսումնասիրություն եք անում, որ այդ թեմաները բարձրաձայնեք»:
Վահան Արսենյան հայտնեց, որ ցանկանում է հասկանալ, թե որ աշխատակիցն է եղել և ինչ է խոսել:
«Կոնկրետ ձեզ կասեմ, թե ով է եղել: Ձեր վարչությունում է, ուրեմն ձեր վարչությունն կարգի հրավիրեք: Էդ բամբասանքներն էլ թարգեք ընդհանրապես քաղաքապետարանում»,-հայտարարեց Երևան քաղաքապետը:
Ասրյանը արձագանքեց, որ տեղյակ չէ, թե որտեղից են նման խոսակցությունները:
«Շատ վատ է, որ անտեղյակ եք»,-Վերահսկողության վարչության պետի պաշտոնակատարին ասաց Հրաչյա Սարգսյանը:
