Միքայել եպիսկոպոս Աջապահյանին օրհնությամբ խորհրդարանում սկսվեց ԱԺ «Հայաստան» խմբակցության նախաձեռնությամբ հրավիրված Լաչինի միջանցքը փակելու վերաբերյալ խմբակցության ներկայացրած հայտարարության նախագծի հանրային լսումները:
«Սիրելի հայրեակիցներ, բավականին բարդ ռազմաքաղաքական իրավիճակում ենք անցկացնում այս լսումները»,-հայտարարեց «Հայաստան» խմբակցության ղեկավար Սեյրան Օհանյանը և հավելեց. «Այս լսումները մենք հայտարարության տեսքով կազմակերպել էինք դեկտեմբերի 12-ից անմիջապես հետո, բայց մեր առաջարկությունը ԱԺ ղեկավարությունը չընդունեց, որովհետև նրանք կարճ մարտավարություն իրականացրեցին և իրենց լսումնարեն առաջ տարան»:
Նրա խոսքով՝ աշխարհաքաղաքական և տարածաշրջանային զարգացումները լուրջ ազդեցություն ունեն ՀՀ-ի և Արցախի վրա:
«Մենք գտնվում ենք շահերի բախման կիզակետում՝ ոչ միայն ուժային կենտրոնների կողմից կատարվող միջացառումների, այլ նաև ՀՀ իշխանությունների կողմից վարած քաղաքականության, որը տանում է նրան, որ օրըստօրե սեղմվում է օղակը Հայաստանի Հանրապետության և Արցախի Հանրապետության շուրջը»,-ասաց ընդդիմադիր պատգամավորը:
Նա առաջարկեց լսումների ժամանակ ուշադրություն դրաձնել Լաչինի միջանցքի փակման հետևանքով ստեղծված հումանիտար և անվտանգային ճգնաժամի վրա և խոսել դրա լուծամն ճանապարհների մասին:
Երկրորդ հարցի շրջանակներում, ըստ Սեյրան Օհանյանի, կքննարկվի Արցախի հարցի ներկա վիճակը և Լաչինի միջանցքի փակման համատեքստում Արցախի ժողովրդի ինքնորոշման խնդիրեը, բանակցային գործընթացի ներկայիս վիճակը և դրա շարունակության անհրաժեշտությունը:
Երրորդ հարցի ներքո «Հայաստան» խմբակցության ղեկավարն առաջարկեց դիտարկել Արցախի և Հայաստանի շուրջ առկա ռազմաքաղաքական գործընթացները և դրանից դուրս գալու ելքերը:
.jpg)
.jpg)
