ԱՄՆ նախագահ Ջո Բայդենը կարող է Լեհաստանում հանդիպել Ուկրաինայի նախագահ Վլադիմիր Զելենսկու հետ։ Այժմ կողմերը դիտարկում են բանակցությունների այս ձեւաչափը։ Ինչպես հաղորդում է լեհական Dziennik Gazeta Prawna-ն՝ վկայակոչելով Կիևում դիվանագիտական աղբյուրը, ուկրաինական կողմն արդեն նախապատրաստում է բանակցությունների ծրագիրը։
Հրատարակության համաձայն՝ Զելենսկին ծրագրում է Բայդենին ներկայացնել իր 10 կետից բաղկացած խաղաղության ծրագիրը, ներառյալ հատուկ տրիբունալի ստեղծումը՝ ռուս օկուպանտների կողմից կատարված ռազմական հանցագործությունները հետաքննելու համար։ Զուգահեռաբար բանակցություններ կվարվեն Ուկրաինայի համար զենքի, մասնավորապես՝ ԱՄՆ-ի թույլտվությամբ Լեհաստանից ինքնաթիռների հնարավոր տեղափոխման շուրջ։
Առայժմ ոչ ամերիկյան, ոչ ուկրաինական կողմերը պաշտոնապես չեն հաստատել այդ բանակցությունները։ Սակայն Սպիտակ տան նախօրեին հայտարարել էր, որ Բայդենի այցն Ուկրաինա դեռ նախատեսված չէ։