Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Հայաստանում հաստատված ռուսները խաղաղ բողոքի ցույց և երթ իրականացրին ընդդեմ Արցախի դեմ ադրբեջանական ագրեսիայի:
«Այստեղ համարյա ամեն շաբաթ անցկացնում են բողոքի ցույցեր՝ ընդդեմ ադրբեջանական ագրեսիայի, բայց մենք այս անգամ դուրս ենք եկել Եվրոպայի ուշադրությունը Արցախի վրա սեւեռելու համար: Չի կարելի մի դիկտատուրան փոխարինել մյուսով»,-ասաց ցուցարարներից մեկը:
«Եթե հայկական սփյուռքում եւս պարբերաբար նման ցույցեր անեն, Արցախի խնդիրը կշեշտադրվի»,- հավելեց նա:
Երիտասարդը, որը կրում էր «Ադրբեջանը սպանում է Արցախը» մակագրությամբ պաստառ, նշեց. «Մենք տեսնում ենք բռնատիրակսն երկրների տնտեսությունների միջեւ կապը, որոնցից մեկն էլ Ռուսաստանն է: Արցախյան խնդրի սրացման ֆոնին մենք տեսնում ենք նաեւ, թե ինչպես է Եվրոպան մեծացնում Ադրբեջանից գազի ներկրման ծավալները:
Եթե Եվրոպայի նպատակն իրականանա Արցախում եւ Ուկրաինայում Ռուսաստանի դիրքերի թուլացմամբ, ապա ով է պաշտպանելու Հայաստանը ՀԱՊԿ-ի փոխարեն: Չէ՞ որ ՌԴ-ն ուղիղ թույլ չի տալիս Ադրբեջանին հարձակվել Հայաստանի վրա: Արդյոք Եվրոպան պատասխանատվություն կվերցնի պաշտպանել Հայաստանը»: Ռուս ցուցարարը գտնում է, որ ադրբեջանցիների դեմ պետք է պատժամիջոցներ կիրառվեն եւ հարգվի Արցախի ժողովրդի ինքնորոշման իրավունքը:
Գոհար ՀԱԿՈԲՅԱՆ
