Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Արցախի Հանրապետության արտաքին գործերի նախարարը հանդիպել է Ամերիկայի հայ Ավետարանչական ընկերակցության ներկայացուցիչների հետ
Սեպտեմբերի 27-ին Արցախի Հանրապետության արտաքին գործերի նախարար Դավիթ Բաբայանը հանդիպել է Ամերիկայի Հայ Ավետարանչական ընկերակցության նախագահ Նազարեթ Դարաքճյանի, գործադիր տնօրեն Զավեն Խանջյանի և ընկերակցության ներկայացուցիչների հետ։
Քննարկվել են Արցախի ներկա իրավիճակին և ադրբեջանա-ղարաբաղյան հակամարտության կարգավորմանն առնչվող հարցեր։
ԱԳ նախարարը ընդգծել է Ավետարանչական ընկերակցության երկարամյա ներգրավվածությունը Արցախում իրականացվող մարդասիրական ծրագրերում։ Դավիթ Բաբայանը նաև հույս է հայտնել, որ ազգանվեր այս գործունեությունը կլինի շարունակական։
Հանդիպմանը ներկա են գտնվել նաև ԱՀ կրթության, գիտության, մշակույթի և սպորտի նախարարի տեղակալ Լեռնիկ Հովհաննիսյանը և ԱՄՆ-ում ու Կանադայում ԱՀ Մշտական ներկայացուցիչ Ռոբերտ Ավետիսյանը։
ԱԳ նախարար Դավիթ Բաբայանի այցը Լոս Անջելեսի Ռոզ և Ալեքս Փիլիպոս կրթահամալիր
Սեպտեմբերի 27-ին Արցախի Հանրապետության արտաքին գործերի նախարար Դավիթ Բաբայանն այցելել է Լոս Անջելեսի Ռոզ և Ալեքս Փիլիպոս կրթահամալիր և հանդիպել ուսուցիչների ու սաների հետ։
Նախարարը բարձր է գնահատել կրթահամալիրի դերակատարությունը հայապահպանության, ազգային կրթության, միջմշակութային երկխոսության զարգացման գործում՝ նշելով, որ կրթահամալիրի ավանդույթներն ու ուսումնական ծրագրերն արժանի են ընդօրինակման։
Դավիթ Բաբայանը նաև պատասխանել է ներկաների հարցերին։
Հանդիպմանը մասնակցել են ԱՀ կրթության, գիտության, մշակույթի և սպորտի նախարարի տեղակալ Լեռնիկ Հովհաննիսյանը և ԱՄՆ-ում ու Կանադայում ԱՀ Մշտական ներկայացուցիչ Ռոբերտ Ավետիսյանը։
ԱԳ նախարար Դավիթ Բաբայանն այցելել է ՀՕՄ գրասենյակի Արևմտյան Ամերիկայի կենտրոնական վարչություն
Արցախի Հանրապետության արտաքին գործերի նախարար Դավիթ Բաբայանը սեպտեմբերի 27-ին այցելել է Հայ օգնության միության (ՀՕՄ) գրասենյակի Արևմտյան Ամերիկայի կենտրոնական վարչություն և հանդիպել վարչության ատենապետուհի Վիկի Մարաշլյանի հետ։
Քննարկվել են Արցախում և տարածաշրջանում տիրող իրավիճակին, հնարավոր զարգացումներին առնչվող հարցեր։
Դավիթ Բաբայանը բարձր է գնահատել ՀՕՄ-ի կողմից Արցախում իրականացվող ծրագրերը և Արցախին մշտապես սատարելու պատրաստակամությունը՝ այն համեմատելով մայրական հոգատարության հետ։
Հանդիպմանը մասնակցել են նաև ԱՀ կրթության, գիտության, մշակույթի և սպորտի նախարարի տեղակալ Լեռնիկ Հովհաննիսյանը և ԱՄՆ-ում ու Կանադայում ԱՀ Մշտական ներկայացուցիչ Ռոբերտ Ավետիսյանը։
Արցախի Հանրապետության Արտաքին գործերի նախարարություն
