Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Հեռուստատեսության և ռադիոյի հանձնաժողովում այսօր տեղի ունեցավ հանրային մուլտիպլեքսում սլոթի օգտագործման լիցենզավորման հանրապետական սփռման մրցույթի մասնակիցների հայտերի վարկանիշային քվեարկությունը և հաղթողի ընտրությունը։
Մրցույթին մասնակցության հայտեր էին ներկայացրել «ԱՐՄԵՆԻԱ ԹԻ-ՎԻ» ՓԲԸ-ն, «Ա-ԹԻՎԻ» ՍՊԸ-ն, «ՇԱՆԹ» ՍՊԸ-ն, «ՄՈՒԼՏԻ ՄԵԴԻԱ-ԿԵՆՏՐՈՆ ԹԻՎԻ» ՓԲԸ-ն, «ՀՈՒՍԱԲԵՐ» ՓԲԸ-ն եւ «ՀԱՅԿԱԿԱՆ ԵՐԿՐՈՐԴ ՀԵՌՈՒՍՏԱԱԼԻՔ» ՍՊԸ-ն :
Մրցույթի արդյունքում «ՀՈՒՍԱԲԵՐ» ՓԲԸ-ն (Երկիր մեդիա հեռուստաընկերություն) եւ «ՀԱՅԿԱԿԱՆ ԵՐԿՐՈՐԴ ՀԵՌՈՒՍՏԱԱԼԻՔ» ՍՊԸ-ն հաղթող չճանաչվեցին:
Հիշեցնենք, նախկին մրցույթի չեղարկումից հետո հանրային մուլտիպլեքսում հեռարձակումը 5 սլոթից դարձել էր 4 սլոթ: ԴԱՀԿ-ն առկախել է սլոթերից մեկի մրցույթի անցկացման իրավունքը. եթե դատական գործընթացի վերջում պարզվի, որ Հ2 հեռուստաընկերությունը ապօրինի մրցույթի արդյունքում է զրկվել հանրապետական հեռարձակման իրավունքից, այդ կապուղին առանց մրցույթի կտրվի հեռուստաընկերությանը, եթե դատական գործընթացում վերջնական հաղթող ճանաչվի ՀՌՀ-ն, ապար այդ կապուղու համար նոր մրցույթ կհայտարարվի:
Հիշեցնենք, նաեւ, որ նախկին՝ չեղարկված մրցույթի շրջանակներում, «ՀՈՒՍԱԲԵՐ» ՓԲԸ-ն (Երկիր մեդիա հեռուստաընկերություն) ստացել էր երկրորդ ամենաշատ բալերը: Ստացվում է, որ ՀՌՀ-ն հակասում է ինքն իրեն՝ վերանայելով նախկինում կայացրած որոշման արդյունքները:
Նելլի ԳՐԻԳՈՐՅԱՆ
