Եվրամիությունը օգնություն չի ուղարկում Սիրիա երկրաշարժի հետևանքները վերացնելու համար, քանի որ Արաբական Հանրապետության իշխանություններից համապատասխան հարցում չի ստացել։ ՏԱՍՍ-ը գրում է, որ այդ մասին երկուշաբթի օրը Բրյուսելում կայացած ճեպազրույցում հայտարարել է Եվրահանձնաժողովի ներկայացուցիչ Բալաշ Ուիվարին։
«Մենք չենք ակտիվացրել Սիրիայի համար քաղաքացիական պաշտպանության մեխանիզմը (ապահովում է ԵՄ միջազգային օգնության համակարգումը), քանի որ Դամասկոսից նման հարցում չենք ստացել»,-ասել է նա։
Ըստ Ուիվարի՝ Եվրամիությունը փետրվարի 6-ի առավոտյան գործարկել է Թուրքիային աջակցելու քաղաքացիական պաշտպանության մեխանիզմը, ԵՄ 10 պետություններից երկիր են ուղարկվել փրկարարական խմբեր, և ևս երեքն իրենց առաջարկներ են ներկայացրել Թուրքիայի կառավարությանը: