Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Հանրապետության չորրորդ նախագահ Արմեն Սարգսյանն իր ցավակցությունն է հայտնել սփյուռքահայ ճանաչված մտավորական, մեծավաստակ գրող, հրապարակախոս, «Ազգ» թերթի համահիմնադիր Երվանդ Ազատյանի մահվան կապակցությամբ։
«Երվանդ Ազատյանը լայնախոհ և խորաթափանց ազգային գործիչ էր, որի մտքի հորիզոնում հայն ու Հայաստանն առաջին տեղում էին, որի գործի ու գրչի ուղեծրում մշտապես հայկական շահի առաջնորդությունն էր:
Մեր բազմաթիվ զրույցների ու հանդիպումների շարքում ինձ համար առանձնակի հիշարժան ու տպավորիչ է մեր զրույցը 2021թ. հունիսին, նրա անկեղծ մտահոգություններն ու խոր դիտարկումները:
Վշտակցության խոսքերս եմ հղում Երվանդ Ազատյանի ընտանիքին, հարազատներին, ընկերներին ու գործընկերներին, մեր ժողովրդին»:
ՀՀ 4-րդ նախագահ Արմեն Սարգսյանի գրասենյակ
