Էստոնիայի բնակիչները սկսել են էլեկտրական գեներատորներ գնել վարչապետ Կայ Կալլասի խոսքերից հետո, որը քաղաքացիներին նախազգուշացրել է էլեկտրաէներգիայի հետ կապված հնարավոր խնդիրների մասին, հաղորդում է պետական հեռուստառադիոհեռարձակման ERR պորտալը, փոխանցում է «Լենտա.ռու»-ն։
Bauhof մանրածախ խանութների ցանցի մենեջեր Սվեն Միլլին Կալլասին նկարագրել է որպես հիանալի վաճառող, քանի որ մեկ օրվա ընթացքում հաջողվել է իրացնել ավելի քան 100 էլեկտրական գեներատոր, ինչը գերազանցում է վերջին չորս ամսվա ցուցանիշը:
«Սա ցույց է տալիս, որ մարդիկ չափազանց արագ արձագանքեցին վարչապետից ստացված տեղեկատվությանը»,- ասել է նա։
Պարբերականը նշում է, որ երկրի քաղաքացիները սկսել են ավելի հաճախ ձեռք բերել չոր սննդամթերք, կենդանիների կեր, անձնական հիգիենայի պարագաներ, լապտերներ և մարտկոցներ:
