Եվրամիության խորհուրդը պաշտոնապես հաստատել է ռուսական նավթի գների 60 դոլար վերին շեմ սահմանելու որոշումը՝ վերանայման մեխանիզմով։ Լեհաստանը, որը միակ երկիրն էր, որը համաձայն չէր գնային առաստաղի հետ, հավանություն էր տվել առաջարկվող միջոցառումներին։
«Դեսպանները հենց նոր համաձայնության են եկել ծովով փոխադրվող ռուսական նավթի գնի սահմանաչափի շուրջ։ Կհետևի գրավոր ընթացակարգը, որոշումն ուժի մեջ կմտնի ԵՄ պաշտոնական ամսագրում հրապարակվելուց հետո»,- Twitter-ում հայտնել է ԵՄ Խորհրդի Չեխիայի նախագահությունը։
ԱՄՆ ֆինանսների նախարարությունը հայտարարել է, որ ռուսական նավթի գնի վերին շեմը դեկտեմբերի 1-ին կսահմանվի 60 դոլար մեկ բարելի դիմաց։ Politico-ի տվյալներով՝ Լեհաստանը ցանկանում էր սահմանել բարելի դիմաց 30 դոլար շեմը։