Ֆրանսիայի պաշտպանության նախարար Սեբաստյան Լեկորնուն հայտարարել է, որ Ֆրանսիան Ուկրաինային կփոխանցի ևս 12 Caesar ինքնագնաց հաուբից՝ ի հավելումն ավելի վաղ փոխանցված 18-ի։
Սեբաստիան Լեկորնուն երեքշաբթի օրը Փարիզում Ուկրաինայի պաշտպանության նախարար Ալեքսեյ Ռեզնիկովի հետ հանդիպումից հետո կայացած մամուլի ասուլիսում ասել է, որ հաուբիցները Ուկրաինա կմատակարարվեն առաջիկա շաբաթների ընթացքում։
Caesar-ը 155 մմ տրամաչափով և մինչև 40 կմ հեռահարությամբ բարձր շարժունակ անիվավոր ինքնագնաց հաուբից է։ Ինչպես հիշեցնում է AFP գործակալությունը, Դանիան խոստացել է Ուկրաինային տալ իր ունեցած բոլոր 19 Caesar ինքնագնաց Caesar-ները։
Լեկորնուն նաև ասել է, որ Ֆրանսիան Լեհաստան կուղարկի իր 150 զինվորական հրահանգիչներին, ովքեր մինչև ամառվա սկիզբ կպատրաստեն 2000 ուկրաինացի զինվորականների։
