«Իսլամական ջիհադ» խմբավորման զինյալները ուրբաթ երեկոյան Իսրայելի ուղղությամբ արձակել են առնվազն 160 հրթիռ, որոնցից 130-ը Գազայի հատվածից թռել են Իսրայելի տարածք, որսացել է մոտ 60 արկ։ ՏԱՍՍ-ի փոխանցմամբ՝ այդ մասին շաբաթ օրը հայտնել է իսրայելական Kan ռադիոն։
Ըստ ռադիոկայանի՝ Iron Dome հակաօդային պաշտպանության համակարգը որսում է իսրայելական քաղաքների ուղղությամբ թռչող հրթիռների մինչև 95%-ը։ Իսրայելի բանակն արդեն երեք տասնյակ հարվածներ է հասցրել Գազայի հատվածում գտնվող «Իսլամական ջիհադի» թիրախներին՝ խոցելով մոտ 40 թիրախ, այդ թվում՝ հինգ արձակման կայան, վեցական զենքի արհեստանոց և պահեստ, ինչպես նաև մի քանի դիտակետեր։
Ըստ ռադիոկայանի՝ իսրայելցի զինվորականները պատրաստ են Գազայի հատվածում «Իսլամական ջիհադի» դեմ գործողությանը, որը «կարող է տևել առնվազն մեկ շաբաթ», և այս փուլում հրադադարի շուրջ բանակցություններ չեն ընթանում։