Գերմանիայի արտաքին գործերի նախարար Աննալենա Բերբոկը Կրեմլին նվեր է արել՝ հայտարարելով, թե «Եվրոպան կռվում է Ռուսաստանի դեմ»:
Այս մասին Focus պարբերականում հրապարակված հոդվածում Գերմանիայի «Քրիստոնյա-Դեմոկրատական» միության անդամ Ֆրիդրիխ Մերցն է գրել:
Հոդվածագրի խոսքով՝ Մոսկվան այս խոսքերը կարող է հօգուտ իրեն ծառայեցնել: «Նման սխալներն անթույլատրելի են՝ հատկապես, երբ այն հնչում է Եվրոպական Խորհրդի՝ լավ պատրաստված ներկայացուցիչների առջև: Նման լարված իրավիճակում խիստ կարևոր է հետևել յուրանքաչյուր բառի,- գրել է Մերցն ու ավելացրել,- Վատ խոսել բոլորն էլ կարող են, բայց տեղի ունեցածը ներկաների վրա տպավորություն կարող է թողնել, որ Գերմանիայի կոալիցիոն կառավարությունը երկրի ներքին քաղաքականության հարցում միասնական դիրքորոշում չունի»:
Գերմանիայի արտաքին գործերի նախարարը, հոդվածագրի համոզմամբ, անզգույշ այնպիսի խոսքեր է ասում, որոնք «զինում» են Ռուսաստանին:
«Այս ծանր ժամանակներում նման ներքին քաղաքականությունն անվտանգության ոլորտում հղի են տանուլ տալու բռնության դեմ մեր պայքարը»,- ավելացրել է հոդվածագիրը:
Նշենք, որ ելույթ ունենալով Եվրոպայի Խորհրդի Խորհրդարանական Վեհաժողովի նիստի ժամանակ՝ Բերբոկը մասնավորապես հայտարարել էր. «Եվրոպան կռվում է Ռուսաստանի դեմ, ու մենք պարտավոր ենք Ուկրաինային ավելի մեծ օգնություն ցուցաբերել»:
Սևակ Վարդումյան
