«Արաբկիր վարչական շրջանի ղեկավա՛ր, ոնց որ ձեր վարչական շրջանում էլի դիտահորերի կափարիչներն են գողացել»,-Երևանի քաղաքապետարանի գործակարգավարական խորհրդակցության ժամանակ Արամ Ազատյանին դիմեց քաղաքապետ Հրաչյա Սարգսյանը:
Վարչական շրջանի ղեկավարը հայտնեց, որ դիմել են ոստիկանությանը, որպեսզի հետաքննություն անցկացվի:
Հրաչյա Սարգսյանը հետաքրքրվեց, թե արդյոք դիտահորերը մինչ այդ պահը դեռ բաց են:
Արամ Ազատյանն ասաց, որ փակել են:
«Փա՞կ է, նոր կափարիչնե՞ր եք դրել, ոնց որ մի տեղ մոռացել եք, կասեմ ձեզ»,-արձագանքեց Հրաչյա Սարգսյանը:
Գործակարգավարական խորհրդակցության մեկնարկին քաղաքապետը հայտնեց, որ Սարգիս Բեջանյանը նշանակվել է «Երևանի էլոկտրատրանսպորտ» ՓԲԸ-ի տնօրեն:
«Բավականին մեծ աշխատանքներ և փոփոխություններ ունենք անելու, վստահ եմ, որ դրանք կլուծենք միահամուռ ուժերով»,-հայտարարեց Հրաչյա Սարգսյանը:
