Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
«Կուրորտաբանության և ֆիզիկական բժշկության գիտահետազոտական ինստիտուտ» ՓԲԸ-ի 100 տոկոս պետական սեփականություն հանդիսացող բաժնետոմսերի մրցույթը կկայանա փետրվարի 3-ին, ժամը 11-ին: Այս մասին ասաց Պետական գույքի կառավարման կոմիտեի մամուլի քարտուղար Գեղամ Ասատրյանը՝ ի պատասխան Aravot.am-ի այն հարցի, թե ճիշտ է արդյո՞ք, որ ինստիտուտի մասնավորեցման մրցույթին մասնակցել և շահել է մեկ հոգի :
Նա հավաստիացրեց, որ մինչ այս պահը հայտնի չէ, թե քանի հոգի է մասնակցելու մրցույթին, քանի որ հայտերի ներկայացման վերջնաժամկետը եղել է հունվարի 31-ին, իսկ հայտերի քանակը պարզ է դառնում միայն մրցույթի մեկնարկին՝ արկղը բացելու պահին:
Գեղամ Ասատրյանի խոսքով, մրցույթը շահելու պարտադիր պայմաններից է ընկերության պրոֆիլի, աշխատատեղերի և այլ կետերի պահպանումը, որը պետք է ներկայացված լինի ներդրումային ծրագրի հետ միասին:
Հավելենք, որ մի քանի անգամ հայտարարված մրցույթը չի կայացել։ Մեր տեղեկություններով, այս անգամ այն կկայանա, քանի որ գտնվել է միակ մասնակիցը, որը պետք է շահի Կուրորտաբանության և ֆիզիկական բժշկության գիտահետազոտական ինստիտուտի մասնավորեցման մրցույթը:
Լուսինե ՄԱՐԳԱՐՅԱՆ
