Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Գյումրու Անի թաղամասի Մովսես Խորենացու անվան փողոցում այսօր վթար է տեղի ունեցել․ քաղաքացիներից մեկի «Օպել» մակնիշի ավտոմեքենան բախվել է ՀՀ ոստիկանության պարեկային ծառայության մեքենային։
Իրավապաշտպան Կարապետ Պողոսյանի ասելով, իրեն են զանգահարել ականատեսները՝ խնդրելով գնալ դեպքի վայր, որպեսզի հետագայում ողջ մեղքը չբարդեն քաղաքացու վրա, նեղը չգցեն նրան։ Ինքն անձամբ եղել է դեպքի վայրում։
«Մովսես Խորենացու անվան փողոցում պարեկային ծառայության աշխատակիցները, շատ կոպիտ խախտելով երթևեկության կանոնները, ստեղծել են վթարային իրավիճակ, որի արդյունքում քաղաքացին բախվել էր իրենց մեքենային։ Իմիջայլոց, հեղինակն էլ շատ հայտնի առաջին դասակն է, որը հիմնականում կազմված է դրսից եկած պարեկներով»,-ասաց Կարապետ Պողոսյանը։
Ըստ նրա, այս դեպքում պարեկները ստիպված են ընդունել իրենց սխալը, քանի որ շատ ակնառու է կատարվածը, պարեկը դուրս է ելել ճանապարհից դուրս եկած գոտուց, կոպիտ խախտում է թույլ տվել, քաղաքացին ուզեր, թե չուզեր պիտի բախվեր նրանց մեքենային։
«Խանութներում կլինեն տեսախցիկներ, որոնք գուցե և այնպես են տեղադրված, որ խանութի տարածքը նկարեն, ոչ փողոցի, բայց բոլոր դեպքերում ցանկացած փորձաքննություն ցույց կտա, որ մեղավորը պարեկն է»,-ասաց Կարապետ Պողոսյանը։
Նա իր ֆեյսբուքյան էջում քննադատել էր պարեկներին՝ կիրթ չլինելու, նման տարրական խախտումներ թույլ տալու ու վթարի հեղինակ դառնալու համար։
Լուսանկարը՝ Կարապետ Պողոսյանի
Նունե ԱՐԵՎՇԱՏՅԱՆ
