ՀԵՏԵՎԵՔ ՄԵԶ Telegram-ՈՒՄ 
Արցախի Հանրապետության նախագահ Արայիկ Հարությունյանը հայտարարություն է տարածել.
«Աշխատանքային այցով գտնվում եմ Ֆրանսիայի Հանրապետությունում: Արդեն հանդիպումներ ենք ունեցել Սենատում և Ազգային ժողովում ընդգրկված քաղաքական բոլոր ուժերի պատասխանատուների, հայկական մի շարք կազմակերպությունների ներկայացուցիչների հետ, ինչպես նաև հանդես եմ եկել մամուլի ասուլիսով, որին ներկա էին Ֆրանսիայի առաջատար լրատվական միջոցները:
Այցիս նպատակը մեր մարտահրավերների ու իրավունքների մասին բարձրաձայնելն է, Ֆրանսիայի միջոցով եվրոպական պետությունների դերակատարներին մեր խնդիրների ու ակնկալիքների մասին ուղիղ ներկայացնելը:
Բարձր մակարդակի հանդիպումների արդյունքում բացվում են համագործակցության և մեր իրավունքների ու շահերի պաշտպանության նոր հեռանկարներ»:
