Armenia
This article was added by the user . TheWorldNews is not responsible for the content of the platform.

Հայ տղամարդը պայքարի է գնում հաղթելու համար․ Արմեն Առաքելյան (ֆոտոշարք)

«Ցանկացած հայ տղամարդ պայքարի է գնում հաղթելու համար։ Կշնորհավորեմ հաղթող թեկնածուին ու մեր ծրագրով կկանգնենք մեր համայնքի կողքին»,-լրագրողների հետ զրույցում նշեց Քաջարանի ավագանու ընտրություններին առաջադրված «Քաղաքացիական պայմանագիր» կուսակցության ցուցակը գլխավորող Արմեն Առաքելյանը։

Քաջարանում ընտրողների մասնակցության բարձր ցուցանիշը թեկնածուն կապում է քաջարանցու քաղաքացիական ակտիվության հետ։ «Պարզապես ցանկանում են իրենց մասնակցությունն ունենալ համայնքային խնդիրների լուծմանը, համայնքի զարգացմանը»,-ասաց նա։ Արմեն Առաքելյանը քվեարկության ընթացքը բնականոն է գնահատում, բողոքներ ժամը 18.00-ի դրությամբ չկային։

Բացի «Քաղաքացիական պայմանագիր» կուսակցությունից, Քաջարանի ավագանու ընտրություններին առաջադրվել են նաեւ «Դեպի միասնություն» դաշինքն ու «Հանրապետություն» կուսակցությունը։

Արմեն ԴԱՎԹՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: