Իրանագետ Արտյոմ Տոնոյանը, ուսումնասիրելով Իրանում տեղի ունեցած իրադարձությունների վերաբերյալ ադրբեջանական արձագանքը, գրում է.
«Դարձյալ մի օրինակ, թե ինչ ստեր են տարածում և ինչ մակարդակի ապատեղեկատվություն են սփռում Իլհամ Ալիևի նկարով հանդես եկողները, որոնց աշխատանքը կորդինացվում է Ադրբեջանի նախագահի աշխատակազմի կողմից.
«Իրանի մոլլաների ոճրագործ և ահաբեկչական ռեժիմին պատասխանը չուշացավ։ Իրանական ռեժիմի վերջին ստոր քայլերին, իրագործած ահաբեկչությանը և ծանր ոճիրներին պատասխան տրվեց։ Թեհրանն այս գիշեր աչքերը կրակների մեջ բացեց։ Կամիկաձե ԱԹՍ-ների ճշգրիտ հարվածներով հողին են հավասարեցվել Իրանի բոլոր քաղաքների ռազմաբազաները, սպառազինություն արտադրող գործարանները, միջուկային օբյեկտները, արդյունաբերական օբյեկտները։ Հարձակումը ընդգրկել է Իրանի բոլոր քաղաքները։ Ոչնչացված է Իրանի ողջ ռազմական համակարգը։ Իրանը թեև ամեն ջանք գործադրել է հարձակումը կանխարգելելու համար, սակայն հաջողություն չի ունեցել։ Իսրայելական ԱԹՍ-ների դեմ անզոր են եղել անգամ ռուսական S-300 և S-400 ՀՕՊ համակարգերը»։
