Armenia
This article was added by the user . TheWorldNews is not responsible for the content of the platform.

Իրանի անվտանգության ուժերը բացահայտել են Սպահանում գտնվող օբյեկտի վրա հարձակված անօդաչու թռչող սարքի ստեղծողին

Իրանի անվտանգության ուժերը հայտնաբերել են անօդաչու թռչող սարք արտադրողի ինքնությունը, որը հարձակվել է Սպահան քաղաքում պաշտպանության նախարարության շենքի վրա: ՌԻԱ Նովոստիի փոխանցմամբ՝ այս մասին հայտնել  է ISNA-ն՝ հղում անելով Իրանի ազգային անվտանգության բարձրագույն խորհրդին մոտ կանգնած աղբյուրներին։

Միաժամանակ գործակալությունը չի տալիս արտադրողի անունը։

«Սպահանում պաշտպանության նախարարության ռազմական օբյեկտի վրա հարձակման ժամանակ խոցված անօդաչուներից մեկի մասերի տեխնիկական փորձաքննության արդյունքերը արժեքավոր տեղեկատվություն են  տրամադրել անվտանգության մարմիններին: Անօդաչու թռչող սարքի առանձին մասերն ուսումնասիրելով՝   շարժիչները, ուժային և նավիգացիոն համակարգերը և դրանց համեմատությունը գոյություն ունեցող նմուշների հետ, ճշգրիտ բացահայտվել է անօդաչու թռչող սարքերի արտադրողը»,- ասվում է հաղորդագրության մեջ։