Իրանի Խուզեստան նահանգի Դարխովեյն քաղաքում մեկնարկել է 300 ՄՎտ հզորությամբ «Քարուն» էլեկտրակայանի շինարարությունը:
ParsToday-ի փոխանցմամբ՝ Խուզեստան նահանգի Դարխոյն քաղաքում շաբաթ օրը մեկնարկել են 300 ՄՎտ հզորությամբ «Քարուն» էլեկտրակայանի շինարարական աշխատանքները՝ Ատոմային էներգիայի կազմակերպության ղեկավար Մոհամմադ Էսլամիի, և Ատոմային էներգիայի կազմակերպության խումբ բարձրաստիճան ղեկավարների ներկայությամբ:
Ճնշման ենթարկվող թեթև ջրով աշխատող 300 մեգավատ հզորությամբ ատոմակայանը կկառուցվի 50 հա տարածքում, Քարուն գետի հարևանությամբ:
Ճնշման ենթարկվող թեթև ջրով աշխատող էլեկտրակայաններն աշխարհում ամենատարածված ատոմակայաններն են, որոնք թեթև ջուրն օգտագործում են որպես հովացնող և դանդաղեցնող նյութ: Այս ռեակտորներն աշխատում են մոտ 4% հարստացված ուրանի օքսիդով:
