Չեչնիայի ղեկավար Ռամզան Կադիրովի երեք անչափահաս որդիները շուտով կգնան հատուկ ռազմական գործողության գոտի։ «Ռիա Նովոստի» գործակալության փոխանցմամբ, այս մասին հայտնել է Կադիրովը։
«Անչափահաս տարիքը չպետք է խանգարի մեր հայրենիքի պաշտպանների ուսուցմանը։ Չեչնիայի Հանրապետության առաջին նախագահ, Ռուսաստանի հերոս Ախմատ-Հաջի Կադիրովի թոռները՝ Ախմատը, Էլին և Ադամը, համապատասխանաբար, 16, 15 և 14 տարեկան, բայց նրանց ռազմական պատրաստությունը դեռ վաղուց է սկսվել, գրեթե փոքր տարիքից»,- ասել է նա։
Այսպիսով, այսօր երիտասարդները Գուդերմեսի հատուկ նշանակության ուժերի ռուսական համալսարանում սովորում են տարբեր տեսակի զենքեր վարել և պատրաստ են կիրառել իրենց հմտությունները։
«Եկել է իրական մարտում իրենց դրսևորելու ժամանակը, և ես միայն ողջունում եմ նրանց ցանկությունը, շուտով նրանք կգնան առաջնագիծ և կլինեն շփման գծի ամենաբարդ հատվածներում»,- ասել է Կադիրովը։
