Armenia
This article was added by the user . TheWorldNews is not responsible for the content of the platform.

Կամերային երաժշտության տանը կկայանա «Նեապոլը Ջազում» իտալական երաժշտության երեկոն

Կամերային երաժշտության տանը կկայանա «Նեապոլը Ջազում» իտալական երաժշտության երեկոն

Դեկտեմբերի 6-ին, ժամը 19:00 Կոմիտասի անվան կամերային երաժշտության տանը կկայանա «Նեապոլը Ջազում» իտալական երաժշտության երեկոն։ Կհնչեն նեապոլիտանական հայտնի երգերի գործիքային կատարումներ հանրահայտ դաշնակահար և գործիքավորող Վիտտորիո Մեցցայի մատուցմամբ։

Կամերային երաժշտության ազգային կենտրոնից հայտնում են՝ համերգին մասնակցում են նաև Միխայիլ Ֆոմինիխը (կոնտրաբաս) և Դանիել Մելքոնյանը (շեփոր): Միջոցառումը նախաձեռնել են ՀՀ-ում Իտալիայի Հանրապետության դեսպանությունը և Կամերային երաժշտության ազգային կենտրոնը։

Կոմպոզիտոր, գործիքավորող, կատարող և ուսուցիչ Վիտտորիո Մեցցան համերգներով հանդես է գալիս Կանադայում, ԱՄՆ-ում, Գերմանիայում, Ֆրանսիայում, Շվեյցարիայում, Խորվաթիայում, Ունգերիայում, Ֆրանսիայում, Ճապոնիայում, Հարավային Աֆրիկայում և Ավստրալիայում և այլուր։

Իտալական մշակութային ինստիտուտները և դեսպանատները պարբերաբար հրավիրում են Մեցցային՝ ներկայացնելու իտալական մշակույթը տարբեր երկրներում։ Նրա երաժշտությունը հնչում է ամբողջ աշխարհում։ Ներկայումս ակադեմիական ոլորտում ակտիվ գործունեություն է ծավալում․ Ֆրոզինոնեի պետական երաժշտական կոնսերվատորիայի ջազային դաշնամուրի ամբիոնի ղեկավարն է։