Խանտի-Մանսիյսկի ինքնավար մարզի բնական պաշարների վարչության աշխատակից Դմիտրի Տեպլուխովը ճանապարհային կոնֆլիկտի ժամանակ դանակով հարձակվել է Պետդումայի պատգամավոր Եվգենի Մարկովի օգնական Կոնստանտին Բորմոտովի վրա։ Այս մասին հայտնում է Ura.ru-ն՝ հղում կատարելով տուժածին։
«Տեպլուխովը կոպտորեն խախտեց Ճանապարհային երթևեկության կանոնները, այնուհետև սկսեց պահանջել զիջել իրեն՝ վիրավորելով ինձ անպարկեշտ խոսքերով։ Դրանից հետո նա մինչև գոտկատեղը խցկվեց իմ մեքենան, դանակը թափահարեց և սպառնաց հանել իմ աչքը և արյունս բաց թողնել»,-ասել է Բորմոտովը:
Իրավապահ մարմինները պարբերականին հայտնել են, որ դեպքի առթիվ քրեական գործ է հարուցվել «Սպանության սպառնալիք» հոդվածով։
«Բոլոր ապացույցները կան, ուստի քննչական աշխատանքը տևել է ընդամենը մեկ շաբաթ։ Այժմ բոլոր նյութերը ներկայացվել են դատարան՝ հետագա ընթացք տալու համար»,-ասել են նախարարությունից։