«Պարո՛ն Սարգսյան, Ձեզ նկարներ եմ ուղարկել, նոր դրած կանգառասրահների նստարաններն արեդն ժանգոտված են»,-Երևանի քաղաքապետարանի գործակարգավարական խորհրդակցության ժամանակ Տրանսպորտի վարչության պետ Հայկ Սարգսյանին ասաց քաղաքապետ Հրաչյա Սարգսյանը:
Ճշտելով, որ հետերաշխիքային սպասարկման ժամանակաշրջան կա այդ նստարանները տեղադրած ընկերությունների հետ՝ քաղաքապետը հանձնարարեց ծանուցել նրանց և վերացնել թերությունները:
«Ծանուցո՛ւմ եք՝ ինձ զեկուց՛ւմ: եթե չեն անում՝ երաշխիքները հետ եք վերցնում»,-ասաց քաղաքապետը և Գնումների վարչությանը հանձնարարեց Տրանսպորտի վարչությանն օգնեն երաշխիքները հետ վերցնելու հարցում:
Նա նաև հանձնարարեց, որ այն կանգառները, որոնց տեղադրման ժամկետներն ավարտվել են և դրանք դեռ չեն տեղադրվել, եթե ընթացիկ շաբաթվա ընթացքում էլ չտեղադրվեն, ապա կրկին կատարող ընկերություններին վճարված երաշխիքները հետ վերցնեն:
«Կարգ ու կանոն պետք է լինի, չենք կարող այդպես սպասենք, տեսնենք, թե երբ են տեղադրելու կանգառները: Նոր հանձնարարական ձեզ՝ բոլոր կանգառներով անցնում, նայում եք: Նոր տեղադրված կանգառասրահների տեղադիրքերի մասով տալիս եք եզրակացություն: Խայտառակ վիճակ է, ես երեկ էլ տարբեր տեղեր տեսել եմ, անհասկանալի է, թե ինչպես են այդտեղ հայտնվել այդ կանգառները: Առնվազը տրանսպորտից չհասկացող մարդը պետք է լինի՝ չհասկանալու համար, որ այդտեղ չպետք է լինի կանգառասրահ»,-հայտարարեց Հրաչյա Սարգսյանը:
