Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Ինչպես հայտնի է այսօր՝ դեկտեմբերի 3-ին, Բևեռի խորհրդի անդամ Վարուժան Ավետիսյանին Նուբարաշենի բանտից շտապ քաղաքացիական հիվանդանոց տեղափոխելու պահանջով տեղի ունեցած խաղաղ երթի ժամանակ ոստիկանությունն ուժ կիրառեց ակցիայի մասնակիցների նկատմամբ:
Գետնին գցեցին ու հարվածներ հասցրեցին նաև երթի մասնակից կանանց: Նրանցից մեկը վնասվածք է ստացել ու տեղափոխվել հիվանդանոց:
Բերման ենթարկվածների թիվը մոտ 2 տասնյակ է:
Ընդ որում, այս ամենը տեղի ունեցավ ռեժիմին բնորոշ բիրտ ու կոպիտ մեթոդներով՝ առանց որևէ նախազգուշացման կամ հայտարարության, ինչպես օրենքն է պահանջում:
Խստորեն դատապարտում ենք ռեժիմի այս պահվածքը, որն ապացուցում է, որ համակարգը ամենևին էլ չի փոխվել ու շարունակում է իր գաղութային քաղաքականությունը՝ ոստիկանությանը որպես մահակ օգտագործելով իր ձեռքում:
Ոստիկանությունից պահանջում ենք անհապաղ ազատ արձակել բերման ենթարկվածներին եւ հրապարակային բացատրություն տալ այս ապօրինության համար:
Վարուժան Ավետիսյանին բանտից հիվանդանոց տեղափոխելու պահանջով մեր բողոքի գործողությունները առաջիկայում շարունակելու ենք ավելի վճռական ու լայն ընդգրկումով:
Ազգային-ժողովրդավարական Բևեռի խորհուրդ
