«Լավրովն իր հայտարարության մեջ պատմում էր մի տարբերակի մասին, որը ժամանակին ես ներկայացրել եմ որպես ռուսական տարբերակ, եթե կուզեք խոսակցական լեզվով «Լավրովի տարբերակ»»,- ԱԺ-ում ճեպազրույցում ասաց ԱԺ նախագահ Ալեն Սիմոնյանը։
Նրա խոսքով, ՌԴ ԱԳ նախարարը ևս մեկ անգամ փաստեց, որ ռուսական տարբերակն իրականում կար։
«Ինքը ևս մեկ անգամ փաստեց, որ ռուսական տարբերակ իրականում կա, ի հեճուկս իր իսկ հայտարարության ռուս լրագրողների հետ իմ հայտնի տեսանյութից հետո, ինքը փաստեց, որ, այնուամենայնիվ, Ալեն Սիմոնյանը ճիշտ էր, Լավրովը ճիշտ չէր»,- նշեց ԱԺ նախագահը։
Ա. Սիմոնյանի խոսքով, նաև ճիշտ չէ այն հայտարարությունը, թե Պրահայում Հայաստանն արդեն Արցախը դուրս էր թողնել գործընթացից։
«Այդպիսի բան չկա, Արցախը որևէ պարագայում գործընթացից դուրս չի թողնվում։ Այնտեղ նախատեսված կա ֆորմատ, որտեղ Արցախը և Ադրբեջանը պետք է հասկանան, որ իրար հետ պետք է ունենան խոսակցություն։ Ավելին ասեմ՝ ինչ-որ պահի եղել է Արցախը դուրս թողնելու խոսակցություն, տարբերակ, բայց Հայաստանը այդ խոսակցությունները մերժել է և չի մտել այդ խոսակցության մեջ»,- ասաց Սիմոնյանը։
Սիմոնյանը չբացառեց նաև մինչև այս ամսվա վերջ Փաշինյան-Ալիև հանդիպումը։
«Հնարավոր է առաջիկայում հանդիպում։ Որևէ ինֆորմացիա չկա, թե որտեղ է լինելու։ Մենք կաղապարված չենք միայն այս պահին Բրյուսելում հանդիպելու տարբերակով, պատրաստ ենք յուրաքանչյուր բովանդակային քննարկման»,- ասաց ԱԺ նախագա
