Անկախ Պետությունների Համագործակցության գործունեությունը առանձնահատուկ նշանակություն ունի հանուն տարածաշրջանային անվտանգության ամրապնդման ջանքերի համախմբման համար: «ՌԻԱ նովոստի»-ն գրում է, որ այդ մասին ասել է Բելառուսի նախագահ Ալեքսանդր Լուկաշենկոն։
Բելառուսական պետության ղեկավարի մամուլի ծառայության փոխանցմամբ՝ Լուկաշենկոն այս միտքն արտահայտել է Ղրղզստանի նախագահ Սադիր Ջապարովին ուղղված պատասխան ուղերձում՝ Համագործակցության կանոնադրության ստորագրման 30-ամյակի կապակցությամբ։
Բելառուսի նախագահը համոզմունք է հայտնել, որ կազմակերպությունում Ղրղզստանի նախագահության տարում համատեղ աշխատանքը նշանակալի ներդրում կլինի ԱՊՀ-ի հետագա ամրապնդման, Համագործակցության բոլոր ժողովուրդների բարեկեցության բարելավման գործում: