Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Հունվարի 27-ին, կեսգիշերից քսան րոպե անց, «Արտաշատ» բժշկական կենտրոնից ոստիկանության Արարատի բաժին ստացվում է հաղորդում, որ «թափանցող կտրած-ծակած վերքեր» ախտորոշմամբ բուժօգնության է ընդունվել Փոքր Վեդի գյուղի բնակիչ, 27-ամյա մի երիտասարդ: Մեկնում է բաժնի օպերատիվ խումբը, օգնության են հասնում նաև Արարատի մարզային վարչության ոստիկանները: Պարզվում է, որ դեպքը տեղի է ունեցել Փոքր Վեդի գյուղում՝ տուժած երիտասարդի տան հարևանությամբ:
Իրականացված անհետաձգելի գործողությունների և օպերատիվ-հետախուզական միջոցառումների արդյունքում պարզվում է, որ հիվանդանոցային ահազանգից մոտ մեկ ժամ առաջ Փոքր Վեդի գյուղում, տուժածի տան մոտ, տեղի է ունեցել ճանապարհատրանսպորտային պատահար` իրար են բախվել երկու «Ժիգուլի», և հենց այս միջադեպի ընթացքում էլ ծավալվել են հետագա գործողությունները:
Վթարի հետևանքով վարորդների միջև ծագել է վիճաբանություն, որը կարող էր և խաղաղ ավարտ ունենալ, եթե այդտեղով պատահաբար չանցներ վարորդներից մեկի համագյուղացին: 23-ամյա տափերականցի երիտասարդը միջամտում է վեճին, ինչի հետևանքով այն թեժանում է: Բարձր ձայների վրա տնից դուրս է գալիս 27-ամյա երիտասարդն ու փորձում լռեցնել վիճողներին, և հենց այդ ընթացքում էլ համագյուղացու պաշտպանությունը ստանձնած 23-ամյա տափերականցին դանակի հարվածներ է հասցնում հարևանությամբ ապրող 27-ամյա երիտասարդին:
Բացատրական աշխատանքի արդյունքում 23-ամյա տափերականցին ներկայացել է ոստիկանության Արարատի բաժին: Նա և կազմված փաստաթղթերը ներկայացվել են Վեդիի քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀՀ ոստիկանություն
