Armenia
This article was added by the user . TheWorldNews is not responsible for the content of the platform.

«Մոտ ապագայում կարելի է դիտարկել Գյումրիի և Դուբրովնիկի տեխնոլոգիական կենտրոնների միջև համագործակցության հնարավորությունը». Խորվաթիայի ԱԳ նախարար

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Պաշտոնական այցով Հայաստանում գտնվող Խորվաթիայի ԱԳ նախարար Գորդան Գրլիչ Ռադմանի գլխավորած պատվիրակությունը ՀՀ բարձր տեխնոլոգիական արդյունաբերության նախարար Ռոբերտ Խաչատրյանի ուղեկցությամբ փետրվարի 7-ին այցելել է Թումո ստեղծարար տեխնոլոգիաների կենտրոն:

Թումոյի զարգացման գծով տնօրեն Բեկոր Փափազյանի ուղեկցությամբ նրանք շրջայց են կատարել կենտրոնի դասընթացների սենյակներ, աշխատարաններ, երաժշտական ստուդիա և կինոթատրոն։

Հյուրերը ծանոթացել են Թումո կենտրոնի հնարավորություններին, ստեղծված պայմաններին, գործունեությանն ու ծրագրերին, ունկնդրել են Թումոյի ուսանողական երաժշտական խմբի ստեղծագործությունները:
Հաջորդիվ կայացած քննարկման ընթացքում նախարարները և պատվիրակության անդամները կարևորել են կրթական կենտրոնի գործունեությունը, նշել, որ այն կարող է ուրույն դերակատարություն ունենալ Հայաստանի և Խորվաթիայի միջև կրթական և տեխնոլոգիական ոլորտում համագործակցության, ինչպես նաև երկու երկրների երիտասարդության և ապագա սերունդների միջև կապերի ամրապնդման գործում:
Հանդիպման ավարտին Խորվաթիայի ԱԳ նախարար Գորդան Գրլիչ Ռադմանը ընդգծել է, որ շատ տպավորված է կենտրոնի գործունեությամբ և նշել, որ մոտ ապագայում կարելի է դիտարկել Գյումրի և Դուբրովնիկ գործընկեր քաղաքների տեխնոլոգիական կենտրոնների միջև համագործակցության հնարավորությունը:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐ ՏԵԽՆՈԼՈԳԻԱԿԱՆ
ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐՈՒԹՅՈՒՆ