Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
«Իմ համար մեծ պատիվ է այս պատվարժան լսարանի առջեւ հանդես գալ, ջերմագին ողջունել հնչակյան կուսակցությանը 22-րդ համագումարը եւ շնորհավորել կուսակցությանը հիմնադրման 135-ամյակի կապակցությամբ»,-ողջունելով Ս.Դ.Հ.Կ համագումարի մասնակիցներին՝ ասաց «Արդար Հայաստան» կուսակցության նախագահ Նորայր Նորիկյանը:
Գովասանական խոսքերի մեջ նա առանձնակի շեշտադրեց. «Հայաստանի Հանրապետության նկատմամբ ձեր վերաբերմունքը, հայրենիքի նկատմամբ ձեր սրտացավությունը գալիս է վկայելու, որ պետականության, հայապահպանության նկատմամբ մեր ընկալումները ընդհանրական են: Եվ ես ձեզ տեսնում եմ մեր լավագույն բարեկամների, աջակիցների ու այն մարդկանց մեջ, որոնք պատրաստ են պետականաշինության մեր պատին ավելացնել հաջորդ քարը:
Այսօր իսկապես ապրում ենք բախտորոշ ժամանակահատված եւ արտաքին մարտահրավերները լրջորեն սպառնում են Հայաստանի անվտանգությանը, Հայաստանի ամբողջականությանը: Մեզ անհրաժեշտ է այս օրերին մոբիլիզացնել հայ ժողովրդի ուժը: Ես խորապես համոզված եմ՝ հայ ժողովրդին միավորող նոր գաղափարների որոնումների շրջափուլում մենք կարող ենք գտնել այն բանաձեւը, թե ինչպես հայ ժողովրդի ներուժը կենտրոնացնել Մայր Հայրենիքում:
Մեր հայրենիքը զավթել են դրսից: Հիմա կան որոշ շրջանակներ, որոնք էլ փորձում են մեր հայրենիքը զավթել ներսից: Մենք պետք է կարողանանք թույլ չտալ այդ ավանտյուրան, որ մեր պետականության գոյությունը իրական վտանգի առաջ կանգնի: Հայաստանի Հանրապետությունում խաթարված է քաղաքական համակարգի տրամաբանությունը: Ընդդիմության, խորհրդարանական ընդդիմության հարթակը զբաղեցրել են այնպիսի սեգմենտներ, որոնք իրենց գործունեությամբ ապացուցեցին, որ իրենք այլեւս ունակ չեն Հայաստանի Հանրապետությունում որեւէ իրական քաղաքական օրակարգ սպասարկել: Հետեւաբար, մեր խնդիրն է՝ նաեւ հանրության հետ իրականացնել այնպիսի աշխատանք, որը հնարավորություն կտա ձեւավորել իրական օրակարգ: Հայաստանի անվտանգության ճարտարապետությունը խարխլված է: Ուստի մեզ անհրաժեշտ է այնպիսի երաշխավորված անվտանգային միջավայր, որ որեւէ մեկի, այդ թվում նաեւ՝ Ադրբեջանի մտքով չանցնի իր քմահաճույքները փաթաթել մեր վզին»,-ասաց բանախոսը:
Աշոտ ՀԱԿՈԲՅԱՆ
