«Երկրի հյուրասրահ»-ի տաղավարում ռեժիսոր, վավերագրող Հովհաննես Իշխանյանն առաջարկեց լրագրողներին դիմել ռուս խաղաղապահներին ու պարզել՝ արդյո՞ք ստույգ է Արցախի Հանրապետության ՏԿԵ նախարար Հայկ Խանումյանի փոխանցած տեղեկությունը, որ Աղավնոյի, Ներքին Սուսի և Բերձորի բնակչությունը մինչև սույն թվականի օգոստոսի 25-ը պետք է տարհանվեն։
«Հնարավոր է փորձում են ֆռցնել, որպեսզի բնակիչներն ինքնակամ լքեն գյուղերը։ Անգամ եթե այդպես լինի, պետք է պատրաստվել ինքնապաշտպանության, որպեսզի Բերձորն ու Աղավնոն չհանձնվի, որովհետև եթե հանձնվեն, Հայաստանի կապն Արցախի հետ կտրվում է, նշանակում է, որ որոշակի ժամանակում Արցախն էլ է հայաթափվելու, երկար հեռանկարում՝ Սյունիքն է հայաթափվելու»,- ասել է Հ. Իշխանյանը։
