Հուլիսի վերջի դրությամբ Ռուսաստանի դեմ 1160 տնտեսական պատժամիջոց է սահմանվել։ Այս մասին Ռուսաստանի երիտասարդ քաղաքագետների «Դիգորիա» ֆորումի բացման արարողության ժամանակ հայտարարել է ՌԴ նախագահի աշխատակազմի ղեկավարի առաջին տեղակալ Սերգեյ Կիրիենկոն: Լուրը փոխանցում է «ՌԻԱ նովոստի»-ն։
Նրա խոսքով՝ նման քանակի սահմանափակող միջոցներ երբևէ չեն կիրառվել որևէ այլ պետության նկատմամբ։
«Հուլիսի վերջի դրությամբ Ռուսաստանի դեմ 1160 տնտեսական պատժամիջոց է սահմանվել»,-ասել է Կիրիենկոն։
Մայիսի առաջին կեսին Պետդումայի նախագահ Վյաչեսլավ Վոլոդինը հայտնել էր, որ 2014 թվականից ի վեր Ռուսաստանի դեմ 10128 պատժամիջոց է սահմանվել։ Նա ընդգծել է, որ դա ավելին է, քան ցանկացած այլ պետության դեմ՝ պատմության ողջ ընթացքում։