Ռուսաստանում շարունակվում են հարձակումները օդանավակայանների վրա, որտեղ գտնվում են Ուկրաինայի քաղաքները ռմբակոծող օդանավերը։ Դեկտեմբերի 6-ի գիշերը անհայտ անօդաչու թռչող սարքը հարձակվել է Կուրսկի օդանավակայանի վրա։
Կուրսկի նահանգապետ Ռոման Ստարովոյտի խոսքով՝ անօդաչու թռչող սարքի հարձակման արդյունքում նավթի բազան հրդեհվել է։ Հրդեհը մարված է։
«Անօդաչու թռչող սարքի հարձակման հետևանքով Կուրսկի օդանավակայանի տարածքում նավթի բազա է բռնկվել։ Տուժածներ չկան։ Հրդեհը մեկուսացվում է։ Բոլոր հատուկ ծառայությունները աշխատում են տեղում», ասել է Ստարովոյտը։
Ականատեսները հայտնում են, որ անօդաչու սարքի հարձակումից խոշոր հրդեհ է բռնկվել, որը տեսանելի է քաղաքի մի քանի թաղամասերից։
Հիշեցնենք, որ երեկ հարձակումներ են եղել Էնգելսի եւ Ռյազանի օդանավակայանի վրա, որի արդյունքում կան զոհեր եւ վիրավորներ, վնասվել են ռազմավարական ռմբակոծիչներ։