«Հյուսիսային հոսք 2» գազատարի վրա դիվերսիան նախապես ծրագրել էր Ռուսաստանը։ Այս մասին հայտնում է The Times-ը, հղում անելով բրիտանական պաշտպանության նախարարության աղբյուրին, ըստ որի պայթուցիկ սարք է կիրառվել խափանման համար։ Ըստ աղբյուրի՝ պայթյունից մի քանի շաբաթ առաջ պայթուցիկներ են նետվել ծովը։
2022 թվականի սեպտեմբերի 26-ին «Հյուսիսային հոսք» օպերատորը հայտարարեց, որ «Հյուսիսային հոսք» գազատարի երկու ճյուղերի թողունակությունը զրոյի է հասել ճնշման կտրուկ անկման պատճառով։ Գիշերը ճնշումը նվազել է նաև «Հյուսիսային հոսք 2» խողովակաշարում, որն անցնում է Բալթիկ ծովի հատակով։ Nord Stream 2 AG օպերատոր ընկերությունը հայտարարության մեջ նշել էր, որ խնդրի պատճառ է դարձել խողովակի վնասվածքը։
Միջադեպը տեղի է ունեցել Դանիայի բացառիկ տնտեսական գոտում, Բորնհոլմ կղզուց հարավ-արևելք։
Սեպտեմբերի 27-ին տեղեկություններ հայտնվեցին, որ «Հյուսիսային հոսքի» տարածքում պայթյուններ են եղել։
