Վրաստանի նախկին նախագահ Միխեիլ Սաակաշվիլիի փաստաբան Շալվա Խաչապուրիձեն հայտնել է, որ բանտում գտնվող իր պաշտպանյալի բժշկական հետազոտությունները հաստատել են մարմնում մկնդեղի առկայությունը։ Mtavari-ի տարածած լուրը ներկայացրել է «Գազետա ռու»,-ն։
«Մենք դեռ չենք ստացել եղունգների անալիզներ, դրանք այսօր կգան, բայց հեռախոսով պարզվեցինք, որ հետազոտության արդյունքում հայտնաբերվել է մեկ այլ (թունավոր) նյութ՝ մկնդեղ»,-ասել է Խաչապուրիձեն։
Ավելի վաղ բժիշկ, «Էմպաթիա» ՀԿ-ի ղեկավար Մարիամ Ջիշկարիանին ասել էր, որ Վրաստանի նախկին նախագահ Միխեիլ Սաակաշվիլիի ուսումնասիրությունից նրա մարմնի վրա հայտնաբերվել է երեք ծանր մետաղ։
Ջիշկարիանին նշել է, որ Սաակաշվիլին, ամենայն հավանականությամբ, թունավորված է։ Բժիշկը նշել է, որ ինքը և օտարերկրյա գործընկերները, ովքեր հետազոտություն են անցկացրել, սպասում են «հետազոտությունների հաստատմանը»:
Իր հերթին Սաակաշվիլիի փաստաբան Շալվա Խաչապուրիձեն լրագրողներին ասել է, որ եթե թունավորելու փաստն ի վերջո հաստատվի, ապա իրավապաշտպանները և նախկին նախագահի ընտանիքի անդամները կդիմեն դիվանագիտական կորպուսին՝ դրան արձագանքելու խնդրանքով։
